Anguniakkavut

Politiinut Naammagittaalliuuteqartarfik politiinut unnerluussisussaatitaassunullu attaviitsuuvoq.

Politiinut Naammagittaaliuuteqartarfik pissusilersornernut naammagittaalliuutinik suliaqarpoq kiisalu politiini sulisorisanut unnerluussisussaatitaasunilu sulisorisanut suliassiissutit pineqaatissiissutissartallit misissoqqissaarnerinnik ingerlataqartuulluni.

Politiinut Naammagittaalliuuteqartarfiup aammattaaq pissusilersornermut naammagittaalliuutit sakkutuuni sulisunut tunngasut kiisalu suliassiissutit pineqaatissiissutissartallit misissoqqissaartarpaat sakkutuuni sulisut politiinut ikiuussimappata.

Politiinut Naammagittaalliuuteqartarfiup suliaminit isumaginninnermigut attaviitsuunermigulli anguniagaat ukuupput:

• politiinut naammagittaalliuutit suliarinerinni inatsisitigut pineqartut     tamarmik isumannaatsumik sulissunnissaat.
• tamanit politiinilu tatiginninneq tamaviaartumik anguneqarnissaa politiini sulisunit suliassiissutit eqqortumik, kinaassusersiunngitsumik kiisalu inatsisitigut isumannaatsumik ingerlanneqarnerinni.
• eqqortumik sukkasuumillu suliassiissutit suliarineqarnissaat kinaassusersiuinngitsumillu tunngavilimmik aalajangiinissaq attaaviitsuunermik ersersitsisumik.
• suliassanik pitsaanerpaamik, sullissilluarnerpaamik  sullarinnerpaamillu ingerlatsineq.
• innuttaasunut ammasuunissqa paasissutissiisarnerillu isumannaanerpaamik ingerlanneqarnissaat taamaattumillu innuttaasunut paasinartumik politiinut naammagittaalliuutit suliarineqartassallutik.
• europami nunani allanit assigisaannik sulialinnik suleqateqarnerup allisartuarnissaa.

Pingaartitavut

Politiinut Naammagittaalliuuteqartarfiup suliassani suliarisarpai politiinut unnerluussisussaatitaasunullu ataaviitsuunini salliutillugu.

Politiinut Naammagittaalliuuteqartarfiup ilisarnaatigaa kinaassusersiunngitsumik, tunngavilersukkamik pitsaalluinnartumillu suliaqartuumat.

Politiinut Naammagittaalliuuteqartarfik avatangiissiminut ammasuulluni, tamanut tikinneqarsinnaalluni kiisalu naapikkuminartuulluni suliaqartarpoq inuit inatsisitigut illersugaanerannik pingaartitsisuunini tamatigut arajutsisimanagu..

Politiinut Naammagittaalliuuteqartarfiup anguniagaraa suliassiissutit sukkasuumik suliarineqartarnissaat suliassiissutit imarisaasa sakkortusinnaaneri qajassuullugit inuillu ataasiakkaat inatsisitigut innarlitsaalinissaat peqqissaarullugit inuttullu pisinnaatitaaffii qaangernaveersaarlugit allallumi inatsisitigut tunngaviusut inatsinni ingerlatsinermut tunngasuni tunngaviusut ilagalugit.

Politiinut Naammagittaalliuuteqartarfiup sulisui inussiarnersuupput, sissuertuupput piginnaasuullutillu.

Politiinut Naammagittaalliuuteqartarfiup pingaartitaraa sulisutik atugarissaarnissaanik isumannaarinissaq suleqatigiit akornimikkut avatangiisigissaarnissaannik pilersitsinermik nikerarsinnaasumillu sulisoqarsinnaanermit kiisalu inuttut ineriartornissamut periarfissaqarluarnissaq anguniartuarlugu. Sulisut suliaminnik piginnaasuupput, nikerarsinnaapput, nammineertuupput kiisalu pimoorullugu sulisuupput. Tamatiguussuseq pingaartinneqarpoq suliassat allangorarneri pikkorissarnerillu aqqutigalugit.

Politiinut Naammagittaalliuuteqartarfik suliffiussaaq ullutsinnut naleqquttoq ingerlalluartorlu teknikkikkut, inissisimaffitsigut, pitsaasumik suliffeqarnikkut kiisalu akornimikkut sullissilluarnikkut. Akornimikkut attaveqaqatigiinnerit pingaartinneqarput, ersarissumik suliassanik agguaqatigiissitsinerit allaffeqarfiit assigiinngitsunillu suliallit akornimikkut suleqatigiinnerisigut.