Naammagittaalliutigineqarsimavit?

Politiinut Naammagittaaliuuteqartarfik attaviitsuuvoq pissusilersornernut naammagittaalliuutinik suliaqartoq kiisalu politiini sulisorisanut kiisalu unnerluussisussaatitaasunit sulisorisanut tunngasunit suliassiissutit pineqaatissiissutissartallit misissoqqissaarnerinnik ingerlataqartuulluni.Politiinut Naammagittaalliuuteqartarfiup piginnaatitaaffiit atuarsinnaavatit uani.

Ataani atuarsinnaavat pissusilersorninnut naammagittaalliuutip qanoq ingerlanneqartarnersoq imaluunniit pineqaatississutaasinnaasumik unnerluutigineqarsimaguit. Tassanilu aamma atuarsinnaavat pisinnaatitaaffitit suunersut.

Pissusilersornernut naammagittaalliuutit

Pissusilersornernut naammagittaalliuutit suliarineqarnerinni ingerlanneqarnerat	Allaatiginninneq
Politiinut Naammagittaalliuuteqartarfiup naammagittaalliuut tiguaa	Naammagittaalliuut tigugutsigu Politiinut Naammagittaalliuuteqartarfimmi imarisaa misissoqqissaarneqartarpoq.   Tamassuma kingorna Politiinut Naammagittaalliuuteqartarfiup politiinut imaluunniit unnerluussisussaatitaasunut suliassiissut pillugu allagartat uppernarsaatit qinnutigissavai ilinnullu saaffiginneqqullugit naammagittaalliuutigineqarsimaninnik paasitinneqarlutik.
Suliassaq Politiinut Naammagittaalliuuteqartarfiup misissorpaa	Politiinut Naammagittaalliuteqartarfiup misissuinermini suliamut tunngasut paasissutissaasinnaasut piniartarpaat. Soorlu uku: Naammagittaalliuutiginnittumit paasissutissat, ilisimannittunit apersuinerit, nakkutilliissutinik videonit immiussat kiisalu nipinik immiussat. Misissuinerit ingerlannerini piumaffigineqassaatit allakkatigut oqaaseqaqqullutit imaluunniit killisiorneqarnissannit aggersarneqarlutit. Killisiuinerit Politiinut Naammagittaalliuuteqartarfimmi sulisunit ingerlanneqassapput tamannalu oqarasuaatikkut imaluunniit video-kkut ingerlanneqarsinnaallutik.   Oqaaseqarnissannut piumaffigineqannginninni naammagittaalliuutip kopiianik allanillu suliamut tunngasunik pajunneqassaatit.
Pissusilersornernut naammagittaalliuutigineqarninni inatsisitigut inissisimanerit	Oqaaseqannginninni imaluunniit killisiorneqannginninni Politiinut Naammagittaalliuuteqartarfimmit inatsisitigut inissisimaninnut tunngasunik ilitsersorneqassaatit.   Naammagittaalliuutigineqarsimaguit illersuisoqarnissannik periarfissaqartitaavutit. Aamma sulisut sinniisuanut siunnersortinnissannut saaffiginnissinnaavutit.   Ilinnut akeqanngitsumik eqqartuussissuserisumik illersuisoqarsinnaavutit immikkut ittumik pissutissaqarpat. Tamannalu eqqartuusivimmit aalajangerneqartarpoq. Tamanna pillugu immikkortumi ataanittumi atuarsinnaavat.   Politiinut Naammagittaalliuuteqartarfimmut oqaaseqarnissannut pisussaassuseqanngilatit naammagittaalliuutigineqarninnut tunngasunik isumaqaruit pineqaatississutaasinnaasoq imaluunniit pissusissanik malinnilluarnernut akisussaasuseqarninnut ajoqqutaasinnaasoq. Illit tamanna nammineq nalilissavat imaluunniit illersuisullu, sulisut sinniissualu imaluunniit eqqartuussissuserisullu eqqartueqatigiinnissinni.   Atorfimmut tunngasunik paasissutissiinissannut pisussaassuseqarputit, assersuutigalugu politiitut suliamit pineqartumi peqataasimanerlutit.Tamanna pillugu nalunaarusiami uani atuarsinnaavat: “Polititjenestemænds retsstilling i forbindelse med tjenstlige undersøgelser m.v.”, tamannalu naammassineqarsimavoq 2. februar 1995-mi Inatsiseqarnermut ministereqarfimmi Qitiusumik Politiinut suleqatigiinnermi ataatsimiititaliamit.
Pissusilersornernut naammagittaalliuutigineqarnermut illersuisunngortitsineq	Immikkut ittumik pissuteqarnikkut ilinnit kissaatiginninnikkut eqqartuusiviup illersuisumik tunisinnaavaatit. Politiinut Naammagittaalliuuteqartarfiup tamannga pisunik ilitsersussavaatit.   Illersuisulerneqaruit illersuisumut suliat pappiarartaat ingerlateqqinneqartassapput. Aammattaaq killisiorneqarninni illersuisuppit najuunnissaminut periarfissaqarpoq.
Suliap ingerlanneqarnerata sivisussusaa	Politiinut Naammagittaalliuuteqartarfiup naammagittaalliuut sapinngisamik piaarnerpaamik suliariniartarpaa. Assigiinerlu ajorput qanoq sivisutiginersut naammagittaalliuutip imarisai apeqqutaasarami. Qaammatit arfinillit ingerlanerinni suliami aalajangiussaqarsimanngippat illit naammagittaalliuummillu tunniussisoq nalunaarfigineqassaasi qaqugu ilimanagineqartoq suliap aalajangiuffigineqarnissaa.
Politiinut Naammagittaalliuuteqartarfiata aalajangiinera	Misissuinerit naammassippata immaqalumi pineqartut immikkut tusarniaaffigineqareerpata Politiinut Naammagittaalliuuteqartarfiup suliaq aalajangiiffigissavaa. Aalajangiineq allanngortinneqarsinnaanngilaq qullersaqarfinnullu allanut naammagittaalliuutigineqarsinnaanngilaq. Pissusilersornernut naammagittaalliuutinut suliamut qisuariaateqarsinnaaneq pillugu atuarsinnaavat uani.
Nalunaarsukkat najoqqutaralugit suliap ingerlanneqarnera	Ilaatigut pissusilersornernut naammagittaalliuutit periaat alla atorlugu ingerlanneqartarput – tamannalu taaneqartarluni nalunaarsukkat najoqqutaralugit suliap ingerlanneqarnera, tassanilu naammagittaalliuutillip politiinilu qullersap imaluunniit unnerluussisussaatitaasut akorniminni oqaloqatigiinerinni.   Nalunaarsukkat najoqqutaralugit suliap ingerlanneqarnera aatsaat pisinnaavoq naammagittaalliuuteqartup isumaqataanerani. Oqaloqatiginninnerillu pissapput naammagittaalliuutip tiguneraniit piffissaq sivikinnerpaaq atorlugu.   Nalunaarsukkat najoqqutaralugit suliap ingerlannerani oqaaseqartinneqaruit pissusissanik malinnilluarnermut akisussaassutut inissinneqarsinnaanngilatit suliap imarisai isigissagaanni.   Naammagittaalliuutillip oqaloqatiginera nalunaarsuganngorlugu allanneqassaaq. Nalunaarsukkami erseqqissarneqassaaq naammagittaalliuutilik ilitsersorneqarmat nalunaarsukkat najoqqutaralugit suliap ingerlanneqarnera qanoq isumaqarnersoq kiisalu naammagittaalliuutillip kissaatigimmagu suliaq Politiinut Naammagittaalliuuteqartarfiup aalajangiiffigissagaa.   Nalunaarsukkat kopiivi Politiinut Naammagittaalliuuteqartarfimmut nassiunneqassapput tassanilu nalilerneqassalluni naammagittaalliuut nalunaarsukkat najoqqutaralugit suliaq naammassineqarsimanersoq.
Immaqa pissusissanik malinnilluarnermut tunngasunik  ingerlatsineq	Politiinut Naammagittaalliuuteqartarfiup aalajangigaa tunngavigineqarsinnaavoq pissusissanik malinnilluarnermut tunngasunik qaqitsinissamut. Tamanna aaliangerneqartarpoq pineqartup atorfinitsitsisuata qullersaqarfiani isornartumik pissusilersorsimappat.

Suliassiissutit pineqaatissiissutissartallit

Suliassiissutit pineqaatissiissutissartallit suliarineqarneri ingerlanneqarnerat	Allaatiginninneq
Politiinut Naammagittaalliuuteqartarfiup suliassaq misissoqqissaarpaa	Unnerluut pineqaatississutaasinnaasumik imalik tigugaanngatsigu  Politiinut Naammagittaalliuuteqartarfimmit misissueqqissaarneqartarpoq.
Politiinut Naammagittaalliuuteqartarfiup suliassaq misissoqqissaarpaa	Politiinut Naammagittaalliuuteqartarfiup misissueqqissaarnerani assigiinngitsunik ingerlanneqartarpoq, soorlu illit killisiorneqarninnit, ilisimannittut killisiorneqarnerinnit kiisalu naammagittaalliuuteqartup killisiorneqarneranit.   Ilaatigut pisariaqartinneqartarpoq pinerluuteqarsimanermut misissueriaaseq atorlugu misissuinerit imaluunniit nakorsanut eqqarttuussinermi siunnersiortagaasartunut imaluunniit pisortanut allanut saqqummiunnissaa.
Illersuisussanngortitsineq	Suliassiissutini pineqaatississutaatilinni illersuisussannik tunineqarsinnaavutit eqqartuussisoqarnermi sulinerup inatsisaasa kapitali 66 malinneqassappat imaluunniit immikkut ittumik peqquteqarneq malinneqassappat. Tamannalu aamma qanorluunniit periarfissaavoq unnerluusaangikkaluaruit.   Kissaat tamanna ilinnit imaluunniit Politiinut Naammagittaalliuuteqartarfimmit qaqinneqarsinnaavoq. Eqqartuussiviup aalajangissavaa illersuisussannik tunineqassanersutit.   Illersuisup pisinnaatitaaffigissavai eqqartuussisoqarnermi sulinerup inatsisaanni allaqqasut malillugit.
Allagaatinik takunnissinnaatitaaneq	Illersuisussannik tunineqarsimaguit taassumap allagaatit Politiinut Naammagittaalliuuteqartarfimmi pissarsiarineqarsimasut takunniffigisinnaatitaaffigai. Illersuisup ilinnut allanulluunniit allagaatit tunniussinnaanngilai Politiinut Naammagittaalliuuteqartarfimmit akuersissummik tunineqanngikkuni.   Suliap ingerlanneqarnerani illersuisoqanngikkuit allagaatinik takunnissinnaatitaanissannik qinnuteqarsinnaavutit ilinnut tunngasunik takuniaassaguit. Tamakkulu Politiinut Naammagittaalliuuteqartarfimmi misissorneqarsinnaallutik.
Suliap ingerlanneqarnerata sivisussusaa	Suliassiissutit pineqaatissiissutissartallit suliarineqarnerisa sivisussusai assigiinneq ajorput apeqqutaalluni suliassiissutsip imarisai. Apeqqutaatinneqartarpoq misissueqqissaarinerit, soorlu killisiuinerit, teknikkikkut misissueqqissaarinerit, pisortaqarfinnit allanit nalunaarutinik piniarnerit il.il. Ukiup ataatsip qaanngiutinnginnerani suliassiissutip tiguneraniit aalajangiissoqarsimanngippat nalunaarfigineqassaatit suliassiissut sumut killissimanersoq qaqugukannerlu aalajangiiffigineqarumaarnersoq. Nalunaarut Politiinut Naammagittaalliuuteqartarfimmit imaluunniit naalagaaffiup unnerluussisuanit tunniunneqartarpoq apeqqutaalluni sorliip suliassiissut suliarineraa.
Politiinut Naammagittaalliuuteqartarfiup unnerluummik itigartitsisinnaavoq	Politiinut Naammagittaalliuuteqartarfiup unnerluut itigartitsissutigisinnaavaa misissueqqissaarnissamik aallartitsinissamik peqqutissaqanngippat. Tamannalu naalagaaffiup unnerluussisuanut naammagittaalliuutigineqarsinnaavoq.
Unnerluussummik aalajangiineq	Misissueqqissaarneq naammassippat Politiinut Naammagittaalliuuteqartarfiup paasissutissiinissaq suliarisarpaa. Paasissutissat kiisalu suliassiissutip takussutissartai naalagaaffiup unnerluussisuanut nassiunneqassapput unnerluussummik aalajangiinissaq anguniarlugu. Paasissutissiinermi atuarneqarsinnaassaaq misissueqqissaarnerup ingerlanneqarnera kiisalu suliassiissutimut pingaaruteqartunik paasisissutissat. Aammattaaq paasissutissiinerup imarisinnaavaa misissueqqissaarnermi uppernarsaatit najoqquttallu takkussuusimasut nalilerneqarneri.   Naalagaaffiup unnerluussisuata suliassiissutip pineqaatississutitallip aalajangiiffigissavaa misissueqqissaarneq unitsinneqassanersoq, unnerluutiginnittoqassanersoq, unnerluussut taamaatsiinarneqassanersoq imaluunniit suliassiissummi eqqartuussassap taamaatsiinarneqarnerani.   Suliassiissummi pineqaatississutitalimmi eqqunngitsuliorfigineqarsimasup naalagaaffiup unnerluussisuata aalajangiinera naalagaaffiup unnerluussisisuanut naammagittaalliuutigisinnaavaa. Taamatulli aamma Politiinut Naammagittaalliuuteqartarfiup naammagittaalliuutigisinnaallugu.   Politeeqarfik naalagaaffiullu politiivi aalajangiineq pillugu nalunaarfigineqassapput. Unnerluussisussaatitaasuni sulisut pillugit aalajangiissutit Naalagaaffiup politiivinut kiisalu Inatsiseqarnermut Ministereqarfimmut nalunaarutigineqassapput.   Suliassiissummi unnerluussutut qaqinneqanngippat imaluunniit  pinngitsuutitsinermik aalajangiiffigineqarpat Politiinut Naammagittaalliuuteqartarfiata pissusilersornernut naammagittaalliuutitut suliassanngortissinnaavaa.