Naammagittaalliuuteqarniarpit/unnerluutiginninniarpit?

Politiinut Naammagittaalliuuteqartarfimmut naammagittaalliuuteqarsinnaavutit politiini imaluunniit unnerluussisussaatitaasuni sulisut pissusilersorneri pillugit. Politiinut Naammagittaalliuuteqarfimmi piginnaatitat atuakkit uani.
Aammattaaq Politiinut Naammagittaalliuuteqartarfimmut unnerluutiginnissinnaavutit isumaqaruit politiit imaluunniit unnerluussisussaatitaasuni sulisut inatsimmik unioqqutitsisimasut taamaalillutik pineqaatissiissutaasinnaasunik iliuuseqarsimasutut.

Uaniippoq naammagittaalliuuteqarnermut/-unnerluutiginninnermut immersugassaq:

Naammagittaalliuuteqarneq imaluunniit unnerluutiginninneq akeqanngialaq.

Nalunngittariaqarparput – Pissusilersornernik naammagittaalliuutit

Politiinut Naammagittaalliuuteqartarfimmut naammagittaalliuuteqarsinnaavutit politiini imaluunniit unnerluussisussaatitaasuni sulisut pissusilersorneri pillugit.

Soorlu isumaqaruit politiit ima pissusilersortut:

• ataqqinnippalunngitsumik oqaluttut
• tigusarinninnermi sakkortuuliortumik pissusilersortut
• imaluunniit allatigut kukkusumik iliuuseqartut　

Naammagittaalliuummi pineqarsinnaavoq illit akuliuffigisimasanni. Imaluunniit pisumi takunniffigisimasanni. Kiisalu inuk alla sinnerlugu naammagittaalliuuteqarsinnaavutit

Maluginiaruk naammagittaalliuutiginiakkat pisup qaammatit arfinillit qaangiutinnginerinni tunniunneqassammat. Qaammatit arfinillit qaanngiutereersimappata qaqutiguinnaq Politiinut Naammagittaalliuuteqartarfimmi suliarineqarnissaanut perifissiisarput.

Politiinut Naammagittaalliuuteqartarfiup aalajangikkanut tunngasunit naammagitaalliutit suliassissutitut tiguneq ajorpai. Aalajangikkanik tunngasunit naammagittaalliuutit ukuusinnaapput politiinit aalajangiunneqartoq tigusarineqarnissat, saviminernik paffequtserneqarnerit, angerlarsimaffiit misissoqissaarneqarnera imaluunniit pigisavit ilaannit arsaarinnissutiginninnerit. Imaluunniit politiit aalajangiinnerat suliassamut aggersarneqarnerminnit takkunniannginnerannut tunngasut.

Nalunngittariaqarparput – Suliassiissutit pineqaatissiissutissartallit

Politiinut Naammagittaalliuuteqartarfiup misissoqqissaartarpaat unnerluutigissutit pillarneqaataasinnaasut politiini suliffilinnit imaluunniit unnerluussisusaatitaasuni suliffilinnit sulinerminnit iliuuserisimasaat. Taamaammat illit pineqaatissiissutaasinnaasunit iliuutit Politiinut Naammagittaalliuuteqartarfimmut unnerluutiginnissinnaavutit isumaqaruit politiini sulisoq inatsimmik unioqqititsisimasoq. Ukuusinnaapput sulisup unioqqutikkai:

• nipangiussisussaanini unioqqutippaa
• nakuuserpoq
• atorfinni atornerluppa, soorlu inatsimmik tunngaveqanngitsumik nalunaarsuutini allagarsiinermik

Politiinut Naammagittaalliuuteqartarfiup suliassanngortitap misissoqqisaaneranit naammassiguniuk naalagaaffiup unnerluussisuanut ingerlateqqissavaa tassani aalajangiunneqassammat pineqartoq unnerluutigineqassanersoq.

Apeqqut

Apeqqutissaqaruit uunnga oqarasuaatikkut attaveqarsinnaavutit:  + 45 41 78 35 00.