Suliassiissutit ingerlanneqarneri

Suliassiissutit ingerlanneqarnerinni apeqqutaavoq suliaq pillarneqaataasussatut unnerluutiginnissutaanersoq imaluunniit sulisumit pissusilersornermik naammagittaalliuutaanersoq.

Pissusilersornernut naammagittaalliuutip suliarineqarnera

Ataani atuarsinnaavat nalunaarsuutit pissusilersornernut naammagitaalliutip suliarineqarneranut ingerlatsineq.

Pissusilersornernut naammagittaalliuutit suliarineqarneri ingerlanneqarnerat	Allaatiginninneq
Politiinut Naammagittaalliuuteqartarfiup naammagittaalliuut tiguaa	Naammagittaalliuutit tigugutsigu Politiinut Naammagittaalliuuteqartarfimmi imarisaa misissoqqissaarneqartarpoq. Suliallu aallartinnerani uppernarsaamik imalimmik allagarsissaatit.
Politiinut Naammagittaalliuuteqartar-fiup politeeqarfik paasissutissanik qinnuvigissavaa	Politiinut Naammagittaalliuuteqartarfiup politiit imaluunniit unnerluussisussaatitaasut piumaffigissavaat suliassiissutip allagartartaat nassiuteqqullugit kiisalu naammagittaalliuutigineqartoq nalunaarfigalugu naammagittaalliuutigineqarmat.
Politiinut Naammagittaalliuuteqartar-fiup suliassiissut misissussavaa	Politiinut Naammagittaalliuuteqartarfiup suliassiissut suliarileraanngagu paasissutissaasinnaasut piniartarpai.Ukuusinnaappulli: Naammagittaaliuuteqartumit paasissutissat, ilisimannittunit paasissutissat, nakkutiginninnernit immiussat kiisalu nipinit immiussat. Pisariaqartinneqassappallu Politiinut Naammagittaalliuuteqartarfimmi sulisunit killisiorneqassaatit soorluli aamma immaqa ilisimannittut pisoq pillugu killisiorneqarlutik. Naammagittaalliuutigisat piumaffigineqassaaq allakkatigut oqaaseqaateqaqqullugu immaqamilu aamma killisiorneqarluni.
Pineqartunit tusarniaaneq	Misissuineq naammassippat illit immaqalu aamma naammagittaalliuutit tusarniaaffigineqassapput Politiinut Naammagittaalliuuteqartarfiup misissuinerminit najoqqutassiarisaasa imarisai pillugit. Tassanilu periarfissinneqassaatit suliap pillugu oqaaseqaateqarnissannut.
Suliarineqarnerata sivisussusaa	Naammagittaalliuutit sapinngisamik piaartumik suliarisarparput. Pissusilersornernut naammagittaalliuutit suliarineqarnerisa sivisussusaat assigiinneq ajorput apeqqutaamammi suliap imarisai. Politiinut Naammagittaalliuuteqartarfiup qaammatit arfinillit iluanni suliamit aalajangiisimanngippata tusarlerneqassaatit qaqugukanneq tamanna piumaarnersoq.
Politiinut Naammagittaalliuteqarfiup aalajangiinera	Politiinut Naammagittaalliuuteqartarfiup suliaq aalajangiiffigisarpaa. Tamanna tassa aalajangeeqqissaarfiuvoq pisortaqarfimmut allamut naammagittaalliuutigineqarsinnaanngitsoq. Pissusilersornerni naammagittaalliuutinut suliassiissutit pillugit qisuariaateqarsinnaaneq pillugu atuarsinnaavat uani.
Pissusissanik malinnilluarsimannginne-rup kingunerisinnaasaa	Politiinut Naammagittaalliuuteqartarfimmi sulisoq isornartorsiuteqarpat pissusissanik malinnilluarismannginnertut suliassanngortinneqartumik kinguneqarsinnaavoq. Tamannalu Naalagaaffiup politiinit imaluunniit  unnerluussisussaatitaasunit aalajangiunneqartarpoq.

Pissusilersornernut naammagittaalliuutit pillugit nalunaarsukkanik suliarinninneq

Ilaatsigut pissusilersornernut naammagittaalliuutit immikkut ittumik ingerlatseriaaseq atorlugu ingerlanneqartarput – nalunaarsukkat aallaavigalugit suliarinninnernit taaneqartartunik, tassani naammagittaalliuuteqartup politiinilu naalakkap imaluunniit unnerluussisussaatitaasut akorniminnik oqaloqatigiinnerinit nalunaarsukkat najoqqutaralugit.

Ataani atuarsinnaavat nalunaarsukkat najoqqutaralugit qanoq suliaq ingerlanneqartarnersoq.

Nalunaarsukkat najoqqutaralugit suliap ingerlanneqarnera	Allaatiginninneq
Nalunaarsukkat najoqqutaralugit suliap ingerlanneqarnera sunaava?	Nalunaarsukkat najoqqutaralugit suliap ingerlanneqarnera sunaava? Nalunaarsukkat najoqqutaralugit suliap ingerlanneqarsinnaanera pillugu eqqartuussisarnermut inatsimmi § 1019 k-mi allaqqavoq. Nalunaasukkat najoqqutaralugit suliap ingerlanneqarnera tassaavoq pissusilersornernut naammagittaalliuuteqartup naammagittaalliuutigineqartullu pisortaalu oqaloqatigiinnerminnik naammassineqarsinnaavoq. Tamannalu aatsaat pisinnaavoq naammagittaalliuuteqartup akuersineratigut. Suliassiissutit  notitssagitut kisimik piukkunneqartut ingerlanneqartarput. Taakkuukkajuttarpullu naammagittaalliuutigineqartup  pissusilersornerlunnera soorlu ataqqinnippalungitsumik pissusilersornera pillugu naammagittaalliuutit.
Nalunaarsukkat najoqqutaralugit suliap ingerlanneqarnera	Naammagittaalliuutigineqartup suliffiata imaluunniit Politiinut Naammagittaalliuuteqartarfiup naliliineratigut nalunaarsukkat najoqqutaralugit suliap ingerlanneqarnissaa aalajangiunneqartarpoq tamannalu pillugu naammagittaalliuuteqartumut nalunaarutigineqarluni.   Aatsaat naammagittaalliuteqartup akuersineratigut suliassaq nalunaarsukkat najoqqutaralugit suliarineqarsinnaavoq.
Naammagittaalliuute-qartoq naammagittaalliuutigine-qartup suliffianit attavigineqassaaq	Naammagittaalliuuteqartoq naammagittaalliuutigineqartup suliffianit attavigineqassaaq. Tamannalu oqarasuaatikkut pikkajunnerusarpoq. Oqaloqatigiinnerup qanoq ingerlasimanera nalunaarsorneqassaaq. Ilaatigulli nalunaarsukkami erseqqissaatigineqassaaq nalunaarsukkat najoqqutaralugit suliaq ingerlanneqassanersoq imaluunniit kissaatigineqarnersoq Politiinut Naammagittaalliuuteqarfimmit aalajangiiffigineqassanersoq.
Suliaq Politiinut Naammagittaalliuuteqar-tarfimmut ingerlanneqassaaq	Nalunaarsukkat najoqqutaralugit suliap kopiia Politiinut Naammagittaalliuuteqartarfimmut ingerlanneqassaaq tassanilu nalilerneqassalluni naammagittaalliuut nalunaarsukkat najoqqutaralugit naammassineqartutut akuerineqassanersoq.

Pissusilersornernut naammagittaalliuutinit sulianut qisuariaateqarsinnaaneq

Ataani atuarsinnaavat Politiinut Naammagittaalliuuteqartarfiup pissusilersornernut naammagittaalliuutit aalajangiiffigineqarnerinit qisuariaateqarsinnaanerat.

Isorisassaqanngilaq	Misissuinerup takutippagu unnerluunneqartoq assuarissallugu naammaginanngitsumik tunngavissaqartoq.
Ajuusaarnartoq	Politiinut Naammagittaalliuuteqartarfiup naammagittaalliortoq ajuusaarfigisinnaavaa pisup ingerlanera pillugu naak naammagittaalliuutigineqartumut assuarinninnissaminnik tunngavissaqanngikkaluarlutik. Assersuutigalugu innuttaasoq aqqunartitersimappat politiinit atassuteqarnermigut ajuusaarutigalugu, naak politiinut assuarinninnermik tunngavissaqanngikkaluartoq. Ilaatigulli ajuusaarutigineqartarpoq naammagittaalliuutigineqartoq sumiiffeerunneqarpat.
Naleqqutinngitsoq	Suliaq aalajangerneqarsinnaavoq Politiinut Naammagittaalliuteqartarfimmit akuerineqarpat pisoq naleqquttumik iliuuseqarfigineqarsimappat imaluunniit iliuuseq aaliangersimasoq naleqqutinngitsumik imaluunniit pinerliornermik pisimappat.Assersuutigalugu Politiinut Naammagittaalliuteqartarfimmit ilaatigut oqaaseqaatigineqartarpoq naammagittaalliutigineqartup ileqqulersorsimanera kusanarnersusinnaagaluartoq imaluunniit iliuuseqarsimanera ajunnginnerusumik pisimanissaa kissaatiginaraluartoq..
Isornartoq	Oqaaseq isornartumik iliuuseqarneq atorneqartarpoq qajassuullugu isornartorsiuinermit.
Isornaqaaq	Oqaaseq isornaqisumik iliuuseqarneq atorneqartarpoq ilumoorunneralugu isornartorsiuinermit.
Isornarluinnarpoq	Oqaaseq isornarluinnartumik iliuuseqarneq atorneqartarpoq sakkortunerpaamik isornartorsiuinermit.
Pissusissanik malinnilluarnissat kinguneri	Suliaq naammagittaalliuutigineqartumut aatsaat atorfeqarnermigut kinguneqartinneqartarpoq Politiinut Naammagittaalliuuteqarfimmit isornartorsiutigineqarpat. Tamanna naalagaaffiup politiivisa qullersaannit imaluunniit unnerluussisussaatitaasunit aalajangiiffigineqartarpoq.

Suliassiissutit pineqaatissiissutissartallit ingerlanneqarneri

Ataani atuarsinnaavapineqaatississutaasinnaasumik iliuuseqarsimasumit unnerluusinerup kingorna qanoq ingerlanneqartarnersoq.

Suliassiissutit pineqaatissiissutissartallit suliarineqarnerisa ingerlanneqarnerat	Allaatiginninneq
Politiinut Naammagittaalliuuteqartarfiup unnerluut tiguaa	Pineqaatissiissutaasinnaasumik iliuusilimmit unnerluusineq tiguneqaraanngat Politiinut Naammagittaalliuuteqarfimmi misissoqqissaarneqartarpoq.
Suliassaq Politiinut Naammagittaalliuuteqartarfiup misissoqqissaarpaa	Misissueqqissaarnerit assigiinngitsunik aallaveqarsinnaapput soorlu unnerluusisumit killisiuinernit, takunnissimasunik killisiuinernit ilaatsigullu immaqa nakkutiginninnerni videonit immiussanik misissuinernit. Ilaatigut pisariaqarsinnaavoq pinerluttulerinernik misissueriaaseq atorlugu misissuinerit imaluunniit nakorsanut eqqartuussinermi siunnersiunnersuutaasartunut saaffiginnissutiginninnermit imaluunniit oqartussanut allanut.
Politiinut Naammagittaalliuuteqartarfiup unnerluut itigartitsissutigisinnaavaa	Politiinut Naammagittaalliuuteqartarfiup nalilerpassuk ilimanaateqanngitsoq pineqaatissiissutaasinnaasumik pisoqarsimasoq unnerluusineq itigartissinnaavaat. Tamannalu naalagaaffiup unnerluussisuanut naammagittaalliuutigineqarsinnaavoq sapaatit akunnerit sisamat qaanngiutinnginnerini.
Politiinut Naammagittaalliuuteqartarfiup nalunaajaat naalagaaffiup unnerluussisuanut nassiuppaa	Politiinut Naammagittaalliuuteqartarfiup misissueqqissaarneq naammassiguniuk misissueqqissaarnerup nalunaajarnera ingerlanneqartarpoq. Nalunaajaat naalagaaffiup unnerluussisuanut ingerlateqqinneqartarpoq tassanilu aalajangiunneqassalluni unnerluussut qaqinneqassanersoq. Politiinut Naammagittaalliuuteqartarfiup unnerluussisoq nalunaarfigissavaa nalunaajaat naalagaaffiup unnerluussisuanut ingerlateqqinneqartoq.
Suliassiissutip suliarineqarnerata sivisussusaa	Suliassiissutit pineqaatissiissutissartallit suliarineqarnerisa sivisussusaat assigiinneq ajorput apeqqutaallutik qanoq imaqarnersut. Apeqqutaallutik soorlu misissuinerit, killisiuinerit, pinerluuteqarnerni misissuinerit, qullersaqarfinnit allanit nalunaarutinik pissarsiornerit il.il. Ukiut ilivitsup ingerlanerani aalajangiisoqarsimanngippat unnerluusinnittoq nalunaarfigineqassaaq qaqugu ilimanaateqassasoq suliassiissutimut aalajangiinnissaq. Apeqqutaalluni suliaq sorleq tigummineraa Politiinut Naammagittaalliuuteqartarfiup imaluunniit naalagaaffiup unnerluussisuata tamanaa isumagisussaavaa.
Naalagaaffiup unnerluussisua aalajangiivoq	Naalagaaffiup unnerluussisuata aalajangiinneri assigiinngitsuusinnaapput soorlu misissueqqissaarnernik unitsitsinerit, unnerluussummit taamaatiinartitsinerit, imaluunniit unnerluutiginninnerit ingerlanneqarnissaat.
Naalagaaffiup unnerluussisuata aalajangiineranik naammagittaalliuuteqarneq	Politiinut Naammagittaalliuuteqartarfiup eqqunngitsuliorfigisallu periarfissaraat naalagaaffiup unnerluussisuata aalajangigaa naammagittaatigissallugu.