Leiðreglur fyri heimasíðu Politiklagumyndugleikans
Á hesi síðu kanst tú lesa um, hvørja kunning Politiklagumyndugleikin hevur skyldu til at gera atkomuliga á heimasíðu síni.
Sambært §17 í innlitslógini skulu meginfyrisetingarmyndugleikarnir almannakunngera kunning um virksemi teirra á heimasíðu myndugleikans. Harumframt fylgir eisini, at fyrisetingarmyndugleikin setir leiðreglur viðvíkjandi nevndu kunningarskyldu, ið fylgir ásetingini í § 17. Innihaldið av leiðreglunum er tengt at slagi av einstaka myndugleikanum, og teim uppgávum, hann røkjur.
Á Politiklagumyndugleikans heimasíðu skal fylgjandi kunning verða sjónlig:
- Kunning um tær uppgávur, Politiklagumyndugleikin varar av, umframt endurgeving av virksemi á málsøkjum myndugleikans,
- Bygnaðarskipanar – og fíggjarstøða,
- Politiklagumyndugleikans hugsjónir og setningur,
- Lógir og reglur, ið liggja til grundar fyri virksemi Politiklagumyndugleikans,
- Ársfrágreiðingar Politiklagumyndugleikans,
- Vegleiðing til almenningin um viðgerð av politiklagumál, umframt klagu/fraboðanarskja,
- Tíðindi og tíðindafrásagnir, undir hesum kunning um løtubær, ítøkilig mál av ávísum týdningi, ið mugu síggjast sum havandi áhugan hjá almenninginum,
- Sambandsupplýsingar umframt upplatingar- og telefontíðir Politiklagumyndugleikans.
