Pillarneqaataasinnaasumut tunngasumik unnerluutiginninneq soorlu imaasinnaavoq, politiit illit isummat naapertorlugu nakuuserfigisimappatit imaluunniit allatut iliorlutik inatsisinik unioqqutitsisimappata.
Suliat ingerlasarnerat – pillarneqaataasinnaasumik iliorsimasumik unnerluutiginninneq:
| Pisup ingerlarnga | Allaatiginninneq |
|---|---|
| Unnerluutiginnikkuit | Unnerluutiginninnermut / maalaaruteqarnissamut piffissarititaq killigaanngilaq, kisianni pingaaruteqarpoq piaarnerpaamik tamanna pissasoq. Unnerluutiginninneq politiinut imaluunniit unnerlussisussaatitaassunut imaluunniit Pisortaqarfimmut politiit Maalaaruteqartarfiannut tunniunneqarsinnaavoq. Unnerluutiginninneq / maalaarutiginninneq politeeqarfimmut tunniunneqarsimappat, taava politeeqarfiup tamanna sukkanerpaamik Pisortaqarfimmut Politiit Maalaaruteqartarfiannut ingerlateqqissavaa. |
| Pisortat politiit Maalaaruteqartatarfiata maalaarut tiguaa | Pisortaqarfiup politiit Maalaaruteqartarfiata unnerluutiginninneq/ maalaarut tigugunikku taava ataatsimiinnermi allakkanik isertunik misissuiffiusartumi eqqartorneqassaaq misissorneqarlunilu. |
| Pisortat politiit Maalaaruteqartarfiata politeeqarfik paasissutissanik piumaffigaa | Pisortat politiit Maalaaruteqartarfianneersut politeeqarfimmut suliassamut attuumassuteqarsinnaasunik uppernarsaatinik nasseqqusivoq. |
| Pisortat politiit Maalaaruteqartarfianneersut pinerluttoqarsimaneranik paasiniaapput | Pisortaqarfiup politiit Maalaaruteqartarfiata maanna pinerluttoqarsimanerpiaq pillugu misissuilluillutik aallartipput. Pisariaqartinneqassappat Pisortaqarfimmi politiit Maalaaruteqartarfianni Pisortanit killisiorneqassapput. Pisumut ilisimannittoqarsimappat taava taakku killisiorneqarnissartik ilimagisinnaavaat. Misissuilluaqqinnissaq pisariaqassappat, soorlu pinerlussimaneq teknikkikkut misissueqqissaarfigalugu aamma Nakorsat eqqartuussinermi Siunnersiortagaasartunut pisortanulluunniit allanut saqqummiussinikkut. |
| Politiip suliaq pillugu paasissutissaatai | Pisariaqartinneqassappat aamma Pisortaqarfiup politiit Maalaaruteqartarfiata maalaartoq maalaartulluunniit killisiorsinnaavai. |
| Pisortaqarfiup politiit Maalaaruteqartarfiata unnerluutiginninneq akueriumanngippagu | Pisortaqarfiup politiit Maalaaruteqartarfiata pillaataasinnaasumik iliortoqarsimannginneranik naliliippata, taava Pisortaqarfiup unnerluutiginninneq akueriumanngissinnaavaa. Pisortaqarfiup politiit Maalaaruteqartarfiata akueriumanninngissut sapaatit akunneri sisamat ingerlaneranni Naalaagaaffiup Unnerluussisuanut naammagittaalliutigisinnaavaa. |
| Pisortaqarfiup politiit Maalaaruteqartarfiata Naalagaaffiup Unnerluussisuanut paasissutissiineq nassiutissavaa | Pisortaqarfiup politiit Maalaaruteqartarfiata pisoq pilugu misissueqqissaarneq naammassiguniuk, taava pisortaqarfik paasissutissiamik suliaqassaaq. Paasissutissiaq Naalagaaffiup Unnerluussisuanut ingerlateqqinneqassaaq, taassumalu pineqartoq eqqartuutitinniarnerlugu aalaajangiissaaq. Pisortaqarfiup Politiit Maalaaruteqartarfiata Pisortaqarfiup paasissutissiineq Naalagaaffiup Unnerluussisuanut nassitsippat, taava tamanna pillugu ilisimatinneqassaatit. |
| Nanginneqarsinnaaneranut killiliussaq ukioq ataasiuvoq | Unnerluutiginninnerup tiguneraniit ukiup ataatsip ingerlanerani pisumut atatillugu suli aalajangiisoqarsimanngippat, taava tamanna pillugu ilisimatinneqassaatit aamma tamanna sumik peqquteqarnersoq pillugu, taamattaaq qaqugu suliamut tunngasumik aalajangiisoqarnissaa ilimagisinnaanerit. Tusarlerneqarneq Pisortanit politiit Maalaruteqartarfianniit imaluunniit Naalagaaffiup Unnerluussisuaniit tunniunneqassaaq, apeqqutaasarpoq pisortaqarfiup sorliup suliaq suliarineraa. |
| Naalagaaffiup Unnerluussisuat aalajangiisuuppat | Naalagaaffiup Unnerluussisuata misissueqqissaarnerup unitsinnissaa aalajangersinnaavaa, unnerluussummik taamaatisisinnaavoq imaluunniit politiitut atorfilimmut eqqartuutitinnialersinnaalluni. |
| Naalagaaffiup Unnerluussisuata aalajangiineranut maalaaruteqarneq | Pisortaqarfik politiit Maalaaruteqartarfiat pinerlineqartarlu Naalagaaffiup Unnerluussisuata aalajangerneranut maalaaruteqarsinnaapput. |
| Ingerlanermi tulliuttoq | Pillaasarnermi suliassaq unnerluussinertaqanngitsumik naammassineqassagaluarpat, taava Pisortaqarfik politiit Maalaaruteqartarfia ilaanneeriarluni naliliisinnaasarpoq, tunngavissaqarnersoq unnerluutiginninnerup taama ingerlasimasup isornartorsiorneqarsinnaanera pillugu. Taamaattoqassagaluarpat tamanna pillugu paasitinneqarumaarputit. |