| Qisuariaatigineqarsinnaasut | Imarisai |
|---|---|
| Isornartorsiuisoqanngilaq | Misissuinerup takutippagu maalaarutigineqartoq pillugu tunngaviusumik avoqqaarissutissaqanngitsoq. |
| Utoqqatsissuteqarneq | Pisortaqarfiup politiit Maalaaruteqartarfiata pisup ingerlarnga maalaartumut utoqqatsissutigisinnaavaa, naak maalaarutigineqartoq eqqarsaatigalugu taanna pillugu avoqqaarutissaqanngikkaluarlutik. Assersuutigalugu utoqqatsernissamut peqquteqarsinnaapput, innuttaasoq politiit attaveqarfiginerani asuliunngitsumik ajoqusersimappat, naak politiit pisumut pisuussuteqanngikkaluartut. politiet.Ilaanneeriarlutik aamma utoqqatsissutissaqartarput, tassa maalaarutigineqartoq nassaarinngitsoorlugu kinaassusersinngikkaangamikku. |
| Naleqqutinngitsoq | Suliat ilai ima Pisortaqarfimmit politiit Maalaaruteqartarfiannit aalajangiiffigineqarsinnaapput, pisoq naleqqunnerusumik aqunneqarsimasinnaagaluartoq, imaluunniit iliuuserisimasat ilai naleqqutinngitsumik imaluunniit pitsaanngitsumik aqunneqarsimasut.. Assersuutigalugu Pisortat politiit Maalaaruteqartarfianneersut ilaanneeriarlutik maalaarutigineqartup iliuuserisimasaq aalajangersimasoq iliuuserisimassanngikkaluaraa imaluunniit allatut iliuuseqarsimassagaluartoq oqaaseqaatigisinnaasarpaat. |
| Assuarnartoq | Pissusilersorsimaneq assuarnartoq tassaavoq assuarinnissutini oqaatsini sakkukinnerpaaq. |
| Assut assuarnartoq | Isorinnissut, assut assuarnarpoq, atorneqartarpoq isorisanut assuarisanut ilungersunarnerusunut. |
| Assut / sakkortuumik pingarluinnartumik isornartorsiuineq | Oqariaatsitullu isornartorsiuineq qanoq sakkortutiginersoq oqaatigisarpaat, tassa sakkortuumik isornartorsiuinermi atorneqartartut. |
| Malinniaqqissaagassanik unioqqutitsinerup kinguneri | Maalaarutigineqartumut pisoq taamaallaat atorfeqarneratigut kinguneqartarpoq, tassa Pisortaqarfik politiit Maalaaruteqartarfia isornartorsiuilluni oqaaseqarsimappat. Naalagaaffimmi politiit pisortaanit imaluunniit unnerluussisussaatitaasunit tamanna aalajangerneqartarpoq. |
Pissusislersorfigineqarneq pillugu maalaarutinut qisuariaatigineqarsinnaasut | politiklagemyndigheden