IIlaanneeriarlutik Pisortat politiit Maalaaruteqartarfianneersut imaluunniit atorfeqarfik pissusilersorfigineqarneq pillugu maalaarut suliamut ingerlatseriaaseq atorlugu suliaq ingerlassinnaavaat – taanna nalunaarutitut taaneqartarpoq (notitssagsbehandling).
| Pisup ingerlarnga | Allaaserinninneq |
|---|---|
| Nalunaarutitut (notitssagsbehandling) ingerlatsineq suugami? | Periarfissaq taanna (notitssagsbehandling) eqqartuusisaatsimi inatsimmi § 1019 k-mi allaatigineqarpoq, taasuma kingorna pissusilersorfigineqarneq pillugu maalaarut taama naammassineqarsinnaasoq, tassa pisortap maalaartullu akornganni oqaloqatiginninnermik. Nalunaarutitut (notitssagsbehandling) taama ingerlanneqassappat taava maalaartup aatsaat akuersisimaneratigut paasinninneratigullu tamanna malinneqarsinnaavoq. |
| Suliassat suut taama ingerlanneqarsinnaappat (notitssag)? | Suliassaq nalunaarutitut suliarineqassaguni piukkunnartuussaaq. Amerlanertigut maalaarutigineqartoq eqqortumik pissusilersorsimaneq ajorpoq, soorlu ataqqinnippalunngitsumik pissusilersorsimasinnaavoq. Suleriaaseq tamanna aamma soorlu tigusarinninnermi sakkortuumik pissusilersorsimanerup kingunerisinnaavaa. |
| Pisoq ima ingerlanneqartarpoq | Atorfeqarfik imaluunniit unnerluussisussaatitaasut nalilissappassuk pisoq nalunaarutitut (notitssagsbehandling) ingerlanneqassasoq, taava suliassamik isumaginninneq aallartittarpoq. Pisortat politiit Maalaaruteqartarfianneersut atorfeqarfiulluunniit maalaarut taama ingerlanneqassanersoq aalajangerunikku, taava tamanna pillugu tusarlerneqassaatit. |
| Illit nammineq aalajangissavat | Suliaq nalunaarutitut (notitssag) aatsaat ingerlanneqarsinnaavoq, maalaartup isumaqataalluni akuersineratigut |
| Politiimit qullersarisannit attavigineqassaatit | Pisoq nalunaarutitut suliassatut (notitssagsbehandling) nalilerneqassappat, taava maalaartoq qullersamit attavigineqassaaq. Tamanna amerlanertigut oqarasuaatikkut pisarpoq, kisianni aamma ataatsimiigiaqqusinikkut tamanna pisinnaavoq. Qullersap oqaloqatigiinneq taassumalu inernera pillugit nalunaarusiussaaq. Nalunaarusiami takuneqarsinnaassaaq maalaartup suliaq taama ingerlatinneqassanersoq isumaqataaffigineraa imaluunniit maalaartup maalaarnini Pisortanit politiit Maalaaruteqarfiannit suliarineqassanersoq kissaatigineraa. |
| Pisortat politiit Maalaaruteqartarfiannut ingerlateqqinneqarpoq | Maalaartoq oqaloqatigineqareerpat nalunaarullu suliarineqareerluni, taava atorfeqarfiup nalunaarutip kopiia Pisortanut politiit Maalaaruteqartarfiannut ingerlateqqissavaa, naalagaaffiup unnerluussisuanut aamma politiinut nuna tamakkerlugu suliassaqartitaasunut. Tamatuma kingorna Pisortat politiit Maalaaruteqartarfianneersut nalilissavaat akueralugulu maalaarutip nalunaarutitut (notitssagsbehandlingen) naammassineqarnera. |