Pissusilersorfigineqarneq pillugu maalaarut tassaasinnaavoq politiit, illit isummat malillugu, ataqqinnippalunngitsumik oqalussimappata, pisariaqanngitsumik pissaanertik atorsimappassuk imaluunniit piginnaaneqartitaanertik atornerlussimappatigik. Pissusilersorfigineqarneq pillugu maalaarutit Pisortaqarfimmi politiit Maalaaruteqartarffianni suliarineqartarput.
Maalaarutit aaqqissuussinermut tunngasut tunngavimmikkut Pisortaqarfimmi politiit Maalaaruteqartarfianni suliarineqarneq ajorput, taakku politiit direktørianit suliarineqartarput. Tamatuma kinguneraa , soorlu maalaarutit politiit illit tigusarineqarnissannut aalaajangersimanerat , angerlarsimaffinni misissuineqassappat imaluunniit pigisavit ilai aarsaarinnissutaassappata, taakku Pisortaqarfimmi politiit Maalaaruteqartarfianni suliarineqarneq ajormata.
Pissusilersorfigineqarneq piillugu maalaarutini immikkoortoq nalunaarutitut suliarinninneq (notitsbehandling) pillugu takuuk.
Pissusilersorfigineqarneq pillugu maalaarutini suliap ingerlasarnera:
| Pisup ingerlarnga | Allaaserinninneq |
|---|---|
| Maalaaruit | Aallaaviuvoq qaammatit arfinillit qaangiutsinnagit maalaaruteqassagavit. Maalaarut politiinut imaluunniit unnerluussisussaatitaasunut imaaluunniit Pisortaqarfimmut politiit Maalaaruteqartarfiannut toqqaannartumik ingerlatinneqassaaq. |
| Pisortat politiit Maalaaruteqartarfianneersut maalaarut tigugaangamikku | Pisortaqarfimmi politiit Maalaaruteqartarfianneersut maalaarut tigugaangamikku ataatsimiinnerminni allakkanik isertunik misissuinerminni misissuiffigissavaat. |
| Pisortaqarfiup politiit Maalaaruteqartarfiata politeeqarfik paasissutissanik piumasaqarfigissavaa | Pisortaqarfiup politiit Maalaaruteqartarfiata politiit imaluunniit unnerluussisussaatitaasut suliaq pillugu uppernarsaatinik piumaffigissavaat aamma ilinnit unnerluutigineqartumut paasissutisseeqqullugit, maalaarut pillugu. |
| Pisortaqarfiup politiit Maalaaruteqartarfiata pisoq misissuiffigaa | Pisoq Pisortanit politiit Maalaaruteqartarfianneersunit misissorneqassaaq . Tamanna pisariaqartinneqassappat sulisunit Pisortaqarfimmit politiit Maalaaruteqartafianneersunit killisiorneqassaatit . Pisumut takunnissimasoqarpat immaqa aamma taakku sulisunit killisiorneqarumaarput. |
| Politiitut atorfillip pisoq pillugu paasissutissaatai | Maalaarutigineqartoq killisiorneqarssinnaavoq imaluunniit maalaarut pillugu allakkiamik oqaaseqaatilioqquneqarluni. |
| Illua-tungiliuttutut ilinnik tusarniaaneq | Misissuineq naammassippat taava illit illua-tungiliuttutut tusarniaaffigineqassaatit tassa Pisortat politiit Maalaaruteqartarfiata suliamut atatillugu uppernarsaatinut tunngasut pillugit. Pisoq pillugu oqaaseqarsinnaatitaajumaarputit. |
| Piffissaliussaq qaam. 6-iupput | Maalaarutivit tiguneraniit qaammatit arfinillit qaanngiutsinnagit pisoq pillugu aalajangiisoqarsimanngippat, taava paasitinneqassaatit Pisortat politiit Maalaaruteqartarfianneersut ilimagineraat qaqugu aalajangiisoqassasoq. |
| Pisortat politiit Maalaaruteqartarfianneersut aalajangiippata | Pisortat politiit Maalaaruteqartarfianneersut pisoq pillugu aalajangiissapput. Aalajangiinneq inivinneruvoq. Pisortanullu allanut ingerlateqqinneqarsinnaanani. Aalajangiinnermi imaasinnaavoq Pisortaqarfik politiit Maalaaruteqartarfiata maalaarutigineqartoq isornartorsiorlugu oqaaseqartut, imaluunniit imaasinnaavoq Pisortaqarfiup politiit Maalaaruteqartarfiata isornartorsiuinissaminut tunngavisssaqarani pissutissaqanngitsoq. |
| Pissusissanik malinnilluarnermut tunngasoq | Pisortat politiit Maalaaruteqartarfianneersut isornartorsiuippata, taava pissusissanik malinnilluarsimannginnermut tunngasumik maalaarutigineqartumut isornartumik pissusilersorsimasumut suliamik aallartitsisinnaapput. Politiit nuna tamakkerlugu suliassaqartitaasut imaluunniit unnerluussisussaatitaasut pissusissanik malinnissimannginneq pillugu iliuutsimut kinguneritinneqartussaq aalajangiiffigissavaat. |