Pisortanut politiinut Maalaaruteqartarfiannut maalaaruteqarsinnaavutit soorlu illit isummat naapertorlugu politiini atorfilik imaluunniit maalaaruteqartarfik
- pitsaanngitsumik (soqqusaatsumik) imlt.tulluanngitsumik pissusilersorsimappat,
- tigusinninnermi sakkortuuliorsimappat
- pisortaanini atornerlussimappagu
Maalaarut pisuusimasinnaavoq illit peqataaffigisimasat. Imaluunniit pisimasuusinnaavoq illit isiginnaartuuffigisimasat, imaluunniit maalaarutaasinnaavoq illit alla sinnerlugu tunniussat.
Isumaqaruit pillarneqaataasinnaasumik pisoqarsimasoq, tassa sulinerup iluani pisimasoq, taava Pisortanut politiit Maalaaruteqartarfiannut tamanna unnerluutigisinnaavat.
Maalaarneq unnerluutiginninnerluunniit akeqanngilaq.
Pisortanut politiit Maalaaruteqartarfiannut maalaaruteqassaguit imaluunniit unnerluutiginnissaguit taava maalaarnermut / unnerluutiginninnermulluunniit immersugassaq atoqquarput.
Illit sinnerlutit imaluunniit alla maalaaqussagukku imaluunniit unnerluussioqqussagukku , taava piginnaatitsissummut tunngasoq immersoqquarput. Piginnaatitsissutip originalia Pisortanut politiit Maalaaruteqartarfiannut maalaarummut /unnerluussummut ilanngullugu tunniunneqassaaq.
Apeqqutissaqarpit? Taava immaqa akissutissat atuagassiaaqqami ilitsersuummi nanisinnaassavatit. Taamaanngippat sukkulluunniit sianerfigisinnaavatsigut ugguuna tlf. nr. + 45 41 78 35 00.
Pisortat politiinut Maalaaruteqartarfik Attaviitsoq pillugu allanik paasisaqarsinnaavutit uani Uagut Pilluta paasissutissat.