Politiit pillugit Maalaaruteqartarfiup Attaviitsup pissusilersorfigineqarneq pillugu maalaarutit suliarisarpai, aamma suliassiissutit pillaatitassartallit misissoqqissaartarpai, tassa politiinut sulisunut tunngasut aamma politiini sulisut allat pillugit, aammataaq unnerluussisussaatitaasut pillugit, taakku suliassat politiinit isumagineqartartut imaluunniit suliassat eqqartuussiviit atortittagaanik passutassanut tunngappata, imaluunniit pillaammik kinguneqartussaappata. Politiit pillugit Maalaaruteqarfiuttaaq pissusilersorfigineqarneq pillugu maalaarutit suliarisarpai, aamma pillaasarnermi suliassat paasiniaaffigisarpaat tassa sakkutuunut tunngasut, taakku politiinut ikiuisimagaangata. Politiit pillugit Maalaaruteqartarfiup suliat naapertuilluarnikkut naammassineqarnissaat qularnaartarpaa, peqataasut tamaasa eqqarsaatigalugit, aamma sulinerminni innuttaasumut politiiniluunniit sulisumut illersuisaratik, taamaallaalli ilumoortoq anguniarlugu sulisarlutik. Tassa imaappoq suliaq paasiniaaffigineqartillugu aamma aalajangiisoqartillugu inuttaasoq imaluunniit politiitut sulisoq arlaanaalluunniit pingaartinneqarnerunngimmat.
Saqqaa | politiklagemyndigheden